ՄԱՐՄՆԻ ԽԱԼԵՐԻ ՆՇԱՆԱԿՈՒԹՅՈՒՆԸ. ՄԱՍ 1

Տղամարդկանց վզի խալերը խոսում են անհավասարակշիռ բնավորության, երբեմն թույլ կամքի մասին: Նրանց տրամադրությունը փոփոխական է, որի վրա կարող է ազդել ամեն մանրուք, նույնիսկ՝ եղանակը: Այս տղամարդկանց դժվար է իրագործել մտավոր կամ ստեղծագործական պլանները, քանի որ նրանցից հաճախ առաջ են անցնում ավելի հաջողակ մրցակիցները: Կանանց վզի խալը օժտում է կենսական սկզբունքների ու ճաշակի փոփոխականությամբ: Նրանք անկեղծ են, նուրբ, սիրառատ, ամեն ինչի վերաբերյալ ունեն սեփական կարծիքը: Այսպիսի կանայք հաճախ կրկնում են իրենց մայրերի ճակատագիրը:

Ուսերի խալերը հանդիպում են մարդկանց մոտ, որոնց կյանքում հաջողությունն է միշտ ուղեկից լինում: Սակայն ձախ ուսի խալը կարող է զգուշացում լինել ֆինանսական դժվարությունների մասին: Որոշ կրոններում ուսերի  խալերը ճակատագրական նշան են համարվել ու խորհրդանշել են մարդու ուսերին ընկած ու ժամանակին չլուծված, սերնդից սերունդ փոխանցված խնդիրների բեռը: Այս մարդու վճռականությունն ու ընտրությունը կարող է ազդել իր երեխաների, թոռների ճակատագրի վրա: Սովորաբար ուսին խալ ունեցող մարդիկ ուժեղ անձնավորություններ են, սակայն հաճախ նրանց պակասում է վճռականությունը իրագործելու այն, ինչ ուրիշների մոտ հեշտությամբ է ստացվում: Նրանք հաճախ համառ են, իրենք էլ տառապում են բնավորության մեջ ճկունության պակասից, սակայն ունակ չեն փոխելու իրենք իրենց:

Մեջքի վերևի հատվածի խալերը բնորոշ են մարդկանց, ովքեր մեծ պահանջներ են ներկայացնում իրենց ու շրջապատին: Նրանք հաճախ տարված են առողջ ապրելակերպով, չնայած որ կարող են թույլ առողջություն ունենալ: Հաճախ նման խալերը վկայում են բրոնխների հետ կապված խնդիրների մասին: Կանանց  մեջքի խալերը ցույց են տալիս կասկածամտություն ու մշտական նյարդային գրգռվածություն: Մարմնի այս հատվածում խալ ունեցող մարդիկ հուսալի են, խելացի, լավ մասնագետներ են իրենց ոլորտում, հաճախ օժտված են զանազան տաղանդներով:



Կրծքի խալը կյանքում անկումների ու վերելքների նշան է: Այսպիսի մարդիկ հակված են ծայրահեղությունից ծայրահեղություն նետվելուն: Ձախ կրծքին խալը մեծահոգության ու բնավորության թեթևամտության նշան է: Կնոջ  ձախ կրծքի խալը կարող է անհաջող անձնական կյանքի նշան լինել: Աջ կրծքի խալը կայունության, հավատարմության նշան է, այսպիսի կանայք լավ մայրեր են լինում: Տղամարդկանց մոտ այս նշանը խոսում է ինքնամոռաց, ամենակուլ սիրո ունակության մասին:

Կրծքի տակի խալը կնոջ մոտ կարող է վկայել այն կրողի խորամանկության, երբեմն նաև նենգության մասին: Ձախ կրծքի տակի խալը կարող է սիրային ինտրիգների, անհավատարմության, երբեմն նույնիսկ դաժանության նշան լինել: Աջ կրծքի տակ խալը գործնական խառնվածքի նշան է: Այսպիսի կանայք կարող են հեշտությամբ առաջ անցնել մրցակիցներից ու լավ կարիերա անել, շատ բանի հասնել մասնագիտության մեջ: Տղամարդկանց մոտ կրծքի տակ խալը լավ նշան է և խոսում է արժանապատվության, ինքնազոհաբերման ունակության մասին:

Գոտկատեղի խալերը վկայում են կնոջ մեծ սերունդ թողնելու ունակության մասին: Այսպիսի խալերը հաճախ նաև խոսում են այն մասին, որ մարդը դժվարությամբ է կառավարում իրեն ու իր ցանկությունները, հաճախ է վիճում: Տղամարդկանց մոտ սա կարող է վախկոտության ու էգոիզմի նշան լինել:

Փորին խալը բնորոշ է սեփական կրքերից ու ցանկություններից կախված մարդկանց: Դա կարող է դրսևորվել շատակերության, ալկոհոլը չարաշահելու կամ մարմնական հաճույքներին տրվելու ձևով: Փորի ձախ կողմում խալ հաճախ հանդիպում է զուգընկերներին հաճախ փոխող մարդկանց մոտ, իսկ որովայնի կենտրոնական մասում խալը վկայում է այն մասին, որ տվյալ մարդն ունակ է շատ բանի հասնել սեփական աշխատանքի շնորհիվ:



Категория: ՆԱԽԱՆՇԱՆՆԵՐ | Добавил: armenlur (14.03.2018) | Автор: Լուսինե Բրուտյան
Просмотров: 1101 | Теги: ֆիզիոգնոմիկա | Рейтинг: 0.0/0
Всего комментариев: 0
Имя *:
Email:
Подписка:1
Код *:
Copyright © 2014 MEGANEWS. Design created by ATHEMES